اهلا صبايا
طبعا هذا الشعر عن ولد ودى امه الرعايه مشان زوجته ترى هذا صحيح
وامه طلعت الشعر وقبل ما تموت امه ادت الشعر الدكتور وقالت
ادوه ولدي
والولد اداه مصعب المقرن ينشده
اااسفه طولت
نبدا
وين انت ياحمدان امك تناديك
وراك ما تسمع شكايا وندايا
يا مسندي قلبي على الدوم يطريك
ما غبت عن عيني وطيفك سمايا
هذي ثلاث سنين والعين تبكيك
ما شفت زولك زاير يا ضنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحضني يدفيك
ما غيرك احدٍ ساكن في حشايا
واليا مرضت اسهر بقربك واداريك
ما ذوق طعم النوم صبح ومسايا
لكن خساره بعتني اليوم وشفيك
واخلصت للزوجه وانا لي شقايا
انا ادري انها قاسيه ما تخليك
قالت عجوزك ما ابيها معايا
خليتني وسط المصحه وانا ارجيك
هذا جزا المعروف وهذا جزايا
يا ليتني خدامة بين اياديك
من شان اشوفك كل يوم برضايا
مشكور يا ولدي وتشكر مساعيك
وادعي لك الله دايم بالهدايا
حمدان يا حمدان امك توصيك
اخاف ما تلحق تشوف الوصايا
وان مت لا تبخل علي بدعاويك
واطلب لي الغفران وهذا رجايا
أتمنى أن تنال إعجابكم ...
دمتم بخير ... (:
محبة لولي
موضوع: وين انت يا حمدان 
الأربعاء نوفمبر 24, 2010 6:51 am
