تصدقون!! ان اهلي طلعوا مهب اهلي..!!!!!!!!

الــسلاااام عليكـــــــوا .... ازيكـــــــــوا ياحلوين
هذا الله يسلمكم قبل مده ذاك اليوم وانا جالسه على كنب بيتنا << يعنني عندنا كنب


واجلس اقلب في جريدة الرياض وكل شوي طايحه على الارض


واقرى ذاك الخبر حق الجيزاني الي بدلووه مع تركي ولخبطه


و جاني احساس وشعور والهام ومها ومنيره


وجلست افكر وافكر وافكر وغفيت شوي ثمن صحيت وكملت تفكير


وقلت لايكون انا بعد مبدله << معد ورى


واروح لاميمتي وهي في المطبخ ولاهيتن تزين مصابيب الشاي والقهوه


انا : يمه يمه يمه يمه


مامي << يقالي كشخه : وجعتين وشو << حنونه امي


انا : انا بنتك ؟


اميمتي :


لا انتي بنت ام الدحمي جيرانا


و ارووح اركض لغرفتي وانا ابكي ودموعي اربع اربع


: واستلقى على سريري وامسك دوبي واجلس ابكي وابكي وابكي << نصابه قسم ماعندي دب بس يقالي مثل هالبنات خخخ


لا صدق و اطمر واجيب شنطتي وحطيت فيها لاب توبي وقواطي تونه وفكس
يعني امسح فيها كريعاتي هع
وانزل و البس عباتي واكتب رساله وداع لاهلي واعلقها على الباب


(( إلى اهلي النصابين الي قالو اني بنتهم وانا منيب بنتهم


تراني برووح الى الابد


الى اللقاء


ابنتكم المخلصه ))


المهم واروح لبيت ام الدحمي
وادقدق الجرس عليهم


واسمع ذاك الصووت الي يوم سمعته يفز قلبي وحسيت فيه حنان امومه << امحق


خيرررررر وجع بلا وجع وشذا الازعاج


ويوم انفتح الباب وجتني رجفه


واجلس اصيح واضم الحرمه اللي فتحت لي الباب يمه يمه اشتقت لتس وراتس تركتيني وش انا مسويه لكم !!!!


ام الدحمي : قسم موب بيدي بس رجلي غصبني << تعيش الجو بسرعه


واجلس ابكي صدق يعني انا بنتتس صدق ؟


ام الدحمي : هااو وشو بنته الله يصلح حالتس اقول طسي بيت اهلتس بس


انا : بس انتي امي


ام الدحمي : من زينتس عشان اصير امتس انا يكفيني بذا الي عندي تجين تنشبين لي


انا : الله وعندي اخوان بعد <<< يعنني موب مسنتره عن جيراننا 24 ساعه


ام الدحمي : قسم مالي خلقتس وخري من خشتي خليني اروح اكمل غسيل الحووش


انا : طيب اذا انتي موب امي من امي ؟؟؟؟؟


ام الدحمي : انتي اصلا امتس خطفتس من ايطاليين ولا انتي منتب سعوديه


انا : وانا اقووول وراني احس اني مطنوخه وفيني زين مهوب في احد << مشكله الثقه


ام الدحمي : اقول صدق صدق شكل ماعندتس مرايات في البيت تلايطي بس << اخلاق سياحيه


و ترقع في خشتي واتحطم واجلس اركض في وابكي وشعري يتطاير <<< ودي دايم اسويها


المهم وقلت يابنت مالك الا اهلك


وارجع لبيتنا واطمر بدوون ماحد يشووفني واشقق الرساله << يعنني ما هجيت


واطمر لغرفتي واحط قواطي التونه تحت السرير واخمد


طبعا وبعد اسبوووع من المووضوع إلا كل الحاره دارين عن سالفتي


وام دحيم ماخلت احد ماقالت له وكل ما شفت احد قام يضحك علي


لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله


وصارت سالفتي على كل لسان ..


ـ ما يستفاااد :


1- ترى اهلك هم اهلك لاتفكر تتركهم


2- كل السالفه نصب << قولي قسم بس


3- لا فكرت ان اهلك مهوب اهلك لاتروح لام الدحمي وتقول لها انتي امي
هههههههههههههه


4-الحمد الله اني طلعت سعوديه خخخخخخخ

ههههههههه

واللي قاهرني بالموووضوع ام دحيم
مشكوووووورة وما قصرتي

شكرا على الموضوع يا احلى نورا
صديقتك: بيرين اوريااوغلو
من: تركيا

ياحبيلها ام دحيم والله انها خطييييييييييييييييره هههههههههههههههههههههههههههههههههههههه

نورتوا الموضوع بردوكم...